SCIALPINISTICA Alphubel (CH) del 22-23/05/2009

Temperature da luio... no podem miga star a vardar sto sol che ne magna zo' tuta la nef! E allor... gh'e' da nar! Ovvio, en quota, che almen no risciem de sfondar na curva si' e una anca! Organizza' per fil e per segno la salita al Nadelhorn, la sera prima encrosando meteo, boletin valanghe e relaziom de salita (colatoio fim al rifugio, temporai notturni, mancato rigelo), sem costretti a cambiar piano e improvvisar: Alphubel! Partim da Roveredo per le 6 e meza, quindi, fata la colaziom a Milan, per le 11 sem za' a Iselle (confim de Domodossola) a cargar la Polo sul trenino che en vinti minuti de traforo (e 13 euro) el ne descarga a Briga. Quindi, visp, Saastal fim al park de fine strada de Saas Fee. Ghe sem, per mezdi' e mez carghem i asoti sula schena e ne enviem a pe' per el paes... Le funivie le e' tutte serae, ma tanto risalim dal pistom a destra del'impianto Felskinn e co la scusa molem for le gambe per 1200 metri. L'e' en calt bestia e la mpontem subit dritta: partidi a 1700m de quota, a 1900 finalmente riusim a trar zo' i assoti e... via! zete su zete su per la pista rossa: col calt che ha za' fat, la nef per fortuna l'e' za' zement, e quindi no se sfonda (stando en pista). Passa' el prim rifugio all'arrivo dell'intermedia, se fa el toc de pista nera (mah! Pareva na rossa... e anca fazile) che con en pont de legn el taia for le rocce e l ne porta a destra a scavezar sora la morena. Adess n'altra bela pontera e i ultimi dosento metri e l'e' fatta! El Ciano e l'Albert, sempre straallenai i me da' zo' dese minuti, ma tanto, ancoi gh'e' tutt el temp... da arivar a stufarse. Se pensevem de bivacar en tel rifugio sera' (la LangFluehe Hutte) restem subit ciavai: diaolopo' avem porta' drio el magnar per n'esercito e sull'us trovem la parona del rifugio che la ne offre (obbliga) a tor la mezza pensiom (con na zinquantina de euro!). Eh...poreta! La g'ha da pagarse le ferie: doman la parte per el Lago Maggiore: che sfiga! Basteva en di' prima e tegnivem la mosina piena! Beh, dai, almen g'avem la fortuna de poder bever qualche biretta! E quindi, piazzai en camera a magnar for en po' dei nosi viveri, ne trem en sala da pranzo a ciacere con en par Piemontesi. Ancoi la zima i l'ha fatta en la nebbia: ma el meteo per noi el butta bem.. doman dovria esserghe supersonnenschein! Sperem! Man man che se empieniss el rifugio (todeschi, Lumbard...) stapem n'altra biretta e l'e' prest le 6 e meza: ora de zena. Beh, dai, en brodim, do verdure co la carne e la musse... no l'e' malaccio... el mal el vem quando la ne bate el cont: co le do birette a testa... en tre... vem for... DIAOLOPO', me toca alzar el mutuo! 200 Euro! Ladra! Sperem vivamente de cor che ghe penserà i 'taliani a darghe na bela pelada quando la narà en ferie en Italia! For per la not ha tirà n'aria che basta la metà, ma ala sveglia dele 5, vardo fora e... Gut gut!! Gh'è da nar! Colaziom (sempre austera...vist che ormai la furba l'ha incassà... e difati gh'è tuti i ospiti encazai neri con ela...), imbrago, pèl, e, ore 5 e 30 sém lì pronti asoti ai pei a enviarne su per la traccia vers el me 17esimo 4000.... G'avem davanti 3 cordate: la prima la tolém subit (anca perché el putél todesc co la taola sula schéna el fa zerto pù fadiga de noi), i altri i è zà su de almen 400 metri... El prim toc, se punta vers destra, se salta su en doss passando sora a en par de crepi (tuti bei coerti) e quindi con pendenza costante se scominzia a costeggiar la montagna (tegnindonela a destra) e svizinarne al passo... La prima mezora el pass l'e' bel sostenuto, e difatti stacchém tutti... po', dopo na pausa ociai e crema da sol (ale 6 zà el ciòca!), se dilaga... El Ciano e l'Albert i parte a razzo e mi... i laso nar: per fortuna crepi no sen vede.... l'unica me preoccupaziom l'è el toc da far eventualmente picca e ramponi su giàz vif.... e enveze... arrivai a na conca, se la risale con 4 belle zete: propri comoda! Altrochè canalini de giàz! El difizile l'era tutt qi... e pareva de esser... sul Fravort! (ambiente glaciale a parte ovviamente!). Ciapà anca el secondo gruppo el Ciano el tol el largo, e l'Albert el me speta, demò per bever en gòz de the e pasar for ensema la terminale (unico crèp davèrt, ma che con ste condiziom passém for scalettando sci ai pei). E adess, con en comot travérs a sinistra devo propri fermarme a netàr le pèl: co la nef umida sotto e giazada sora le m'ha fat en zocol da paura... a vardar l'altimetro el segna 4050... e enveze-miracoi dell'alta pressiom che stara i barometri.. demo' do' butae de gambe e... Berg Heil! Eh, eh... 1300m en 3 orette scarse (co la guida che i li dà a 5...), no l'è en brutt pass! Anca se mi i primi 5 minuti, per la tirada de col che l m'ha dat, g'ho da farme passar el catif en te sto rapporto de odio-amore che g'ho col Ciano... Po', finalmente ne gustém tuti la zima e ne podem fermar en quardora a trar zò qualcos. La nef la par cotta a puntino... zò le pél e...gh'è da nar... en gran spolvero! El prim toc fim ala terminale l'è en po' giazada, ma po'.... firnaccio da foc!!! Basta molarla e en pochi secondi, gasai dala discesa, la molém zò dritta a spazzolar su na nef che en pista no i sa neanca sa che l'è! Gasai come pochi, puntém dritti ai crepi del prim doss e da qi, tacando a sfondar, zerchém le minori pendenze (che ha ciapà el sol pù de sbiéc) per goderne la sciada fim alla pista da sci che ne porta dritti dritti al rifugio, endò che dovém raccattar i sacchi letto e fornei (che avém giustamente evità de portarne en vetta). La rifugista l'è zà partia per le ferie, ma da bona svizzera, per farse perdonar, la n'ha lassà lì le birette per el brindisi de rientro, e allora PROST! Na bona mezzora de pausa e riciapà la pista, còta dal sol (fora se sfonda, se no se zerca el pù solif, zà còt), tachém la discesa vers val... e ancor, anca se le temperature estive le è assurde, qualche tòc de firn el ne salta for. Vers i 2000, saltando tra macie de nef, con en par de cava e metti, riusim a arrivar fim ai 1800m del pont, quindi, trati sul zaino (sol 100metri!), dopo na biretta en paess ne trém vers la macchina.... Anca questa l'è nada... e bem! Per strada, quindi, no se pol far a men de mpienir la Polo co la benza che qi la vem 0,90 (anca se el bancomat, mandandome n'addebito da 100Euro via SMS el m'ha fat vegnir qualche cavél bianc! E enveze l'era sol problemi de cambio FrancoSvizzero-Euro: uff... sti svizzeri.... quando i se deciderà a passar all'Euro anca lori?! Noi l'è 8 anni che l doprém al posto dei Scellini e l'è massa comot per girar!). Al ritorno, enveze del trenim fem el passo del Sempiom e co na bella tirada per le sei sém zà a Roveredo a pensar.... "ghe n'è ancor! gh'è ancor da nar!"









La gloriosa Polo, che col suo chilometraggio ha ormai raggiunto il secondo luce, la se la tol comoda a nar en Svizzera! La fadiga sto colp el la fa el treno!
Al rifugio i g'ha le cavre de fil de fer! Bele, no le disturba e... no le sporca!
Doman nem... lassù
Partidi! Se aggira subit la prima seraccada da sinistra...
e la mpontem dritta dritta...
e se guadagna metri su metri... sullo sfondo l'Allalinhorn...
Arrivai al passo se punta al Canalim che se ghè giàz l'è sbifido... ma ancoi... na monada!
...e subit arrivém en vista dela zima...
BERG HEIL! E adess se pol partir en gran spolvero...
...sempre co n'ocio de riguardo (oltre che de ammiraziom) a crepi e seracchi!
Quindi, puntando al laghetto glaciale, pensém zà alla birraccia del rifugio..
Anca questa l'è fatta! Adess, a Saas Fee, podém pensar de tornar a cà col bottino: el 17esimo quattromili del Kepo!


Ste pagine l'e' stae cargade volte da visitatori dal 3 de agost 2005